اے این ایف نا کارروائی، 11 دوبہ دار دزگیر، 2 ٹن 600 کلوگرام منشیات دوئی

راولپنڈی۔ 18 مارچ (اے پی پی) اینٹی نارکوٹکس فورس (اے این ایف ) منشیات اسمگلنگ نا برخلاف 11 کارروائی تیٹی 11 دوبہ دار آتے دزگیرکرسا 2 ٹن 600 کلوگرام منشیات دوئی کرے۔ ترجمان اے این ایف نا رداٹ لاہور بالی پٹ آن 1.5 کلوگرام ہیرون و 175 گرام ڈیاز یپام پاؤڈردوئی کرسا 3 دوبہ دار آتے دزگیرکننگا۔ پشاور بالی پٹ آ دوحہ غا ہنوک آ مسافر آن 918 گرام آئس دوئی کننگا۔ چمن روڈ کوئٹہ نا خڑک آن اسہ میٹرک ٹن چرس، قلعہ عبداللہ آن اسہ ٹن و 300 کلوگرام چرس بونستان پنجگور آن 120 کلوگرام آئس و 30 کلوگرام افیم ، موٹروے ٹول پلازہ شیخوپورہ نا خڑک 2 دوبہ دار آتیان 49.2 کلوگرام چرس و 34.8 کلو گرام افیم ، اسلام آباد موٹروے نا خڑک 2 دوبہ دار آن 50.4 کلوگرام چرس ، زخہ خیل خیبرآن 11 کلوگرام چرس، جی ٹی روڈ لاہور نا خڑک 3 دوبہ دار آن 2.5 کلوگرام ہیرون دوئی کننگا۔ ترجمان اے این ایف نا رداٹ دزگیر دوبہ دار آتا برخلاف منشیات تور ایکٹ انا رداٹ مقدمہ نوشتہ کرسا جاست وپاست نا بناءِ کننگانے۔