مشینری گروپ نا درآمد آتیٹی برجامالی سال نا اولیکو 8 تُو اٹی 21 درسد نا نمو ریکارڈ

اسلام آباد۔ 18 مارچ (اے پی پی) مشینری گروپ نا درآمد آتیٹی برجامالی سال نا اولیکو 8 تُو اٹی سالانہ بنداوتیا 21 درسد نا نمو ریکارڈ کننگانے۔ پاکستان بیورو شماریات نا کنڈآن جاری کروک حساب وکتاب نا رداٹ برجامالی سال نا اولیکو 8 تُو اٹی مشینری گروپ نا درآمد آتیا 5.045 ارب ڈالر نا زرمبادلہ خڑچ مس ہرا تدوک آ مالی سال انا ہند امد انا مقابلہ ٹی 21 درسد زیات ءُ۔ تدوک آ مالی سال نا ہندا مد اٹی مشینری گروپ نا درآمدآتیٹی 4.154 ارب ڈالر نا زرمبادلہ خڑچ مسوسس۔ فروری ٹی مشینری گروپ نا درآمد آتیا 690 ملین ڈالر خڑچ مس ہرا تدوک آسال فروری نا مقابلہ ٹی 64 درسد زیات ءُ۔ تدوک آ سال فروری ٹی مشینری گروپ نا درآمد آتا کچ 420 ملین ڈالر ریکارڈ کننگاسس۔ جنوری نامقابلہ ٹی فروری ٹی مشینری گروپ نا درآمد آتیٹی ماہانہ بنداوتیا 8 درسد نا کمتی مس جنوری ٹی مشینری گروپ نا درآمد آتیا 750 ملین ڈالر خڑچ مس ہرا فروری ٹی کم مرسا 690 ملین ڈالر مسنو۔