گوادر نارتھ فری زون واٹر سپلائی ڈٹ آ کاریم نا رفتار است جم ءِ، پروجیکٹ آ کاریم کن بلوچستان نا سکلڈ و نان سکلڈ افرادی قوت ءِ کاریم اٹ اتنگے، چیئرمین قائمہ کمیٹی سینیٹر محمد عبدالقادر

کوئٹہ۔ 18 مارچ (اے پی پی)  چیئرمین اسٹینڈنگ کمیٹی پیٹرولیم و رسورسز و سیاسی و اقتصادی امور نا ماہر سینیٹر محمد عبدالقادر پارینے کہ داہیت بھاز ستاکڑزک کہ گوادر نارتھ فری زون واٹر سپلائی ڈٹ آ 60 درسد کاریم  ءِ پورو کننگانے ڈٹ انا مسخت برجاسال آپریشن نا بناءِ کننگ نا خواہندار کمپنی تا گرج ءِ دمدستی وڑٹ پورو کننگ ءِ و دااہم ڈٹ ءِ اِرا بشخ آتیٹی بشخنگانے اولیکو بشخ ہرانا چاروکی ءِ گوادر پورٹ اتھارٹی  کننگ ءِ ڈیم تیان گوادر نارتھ فری زون نا پیشن نا سیم اسکان تالان ءِ۔ داڑے جاری مروک اسہ بیان اسے ٹی سینیٹر محمد عبدالقادر پارے کہ ڈٹ انا ارٹ میکو بشخ چین اوورسیز پورٹ ہولڈنگ کمپنی نا کنڈآن بناکننگک گوادر نارتھ فری زون فیکٹری تیکن خاص جاگہ غاتسکان مریک ڈٹ آ کاری کروک آ کمپنی نا کاریم ڈیم انا دیر ءِ اِرا ذریعہ اٹ دیر انا پیپ لین تے تالان کرسا دیر انا فراوانی ءِ پک کننگ ءِ دا اہم ڈٹ اٹی سُوار و شادی کورڈیم اوار ءُ ہڑتوم آ ڈیم تیان گوادر نارتھ فری زون نا باؤنڈری اسکان دیر انا فراوانی نا نیٹ ورک تالان کننگ نا کل خڑچ 110 ملین روپئی آن زیات ءِ۔ اوپارے کہ دا عظیم الشان ڈٹ انا پوروی داسال مئی اسکان ممکن مننگ کیک ، بروک آ اسہ سال اٹی بجلی و دیر انا ڈٹ آتیاکاریم نا گیشتر بشخ پورو کننگک گوادر ءِ بنداوی آسراتی تیان شپ کننگ گوادر شار و کیبی نا متکن آ خواست ءِ ، گوادر ناشونداری کن گوادر پورٹ اتھارٹی تن دہی اٹ کاریم آ چکار کننگ ءِ دا چرجوئی ٹی بلوچستان حکومت و بنجائی حکومت ءِ پین چکار کروئی مریک۔