اسلام آباد۔ 18 مارچ (اے پی پی) پاکستان اٹ کینیا نا ہائی کمشنر نیا مبوراکاماؤ اسلامی کمکار تنظیم اوآئی سی نا ذیلی ادارہ کامسٹیک ناکوآرڈینیٹر جنرل پروفیسر ڈاکٹر محمد اقبال چوہدری تون داڑے اوڑدہی کرے۔ کامسٹیک نا کنڈآن جاری بیان نا رداٹ اوڑدہی ٹی گمانی کمکاری آ گپ وتران کننگا ۔ اوڑدہی ٹی کامسٹیک نا کوآرڈینیٹر جنرل ہائی کمشنر ءِ مسلم اقلیت آتیکن کامسٹیک نا خصوصی پروگرام نا بارواٹی پارے۔ داپروگرام کامسٹیک ریسرچ فیلو شپ پروگرام مسلم اقلیت آتیکن غیر اوآئی سی ملک آتیکن ءِ۔ کینیا نا ممباساکاؤنٹی کن کامسٹیک فیلوشپ پروگرام نا رداٹ یونیورسٹی آف سیالکوٹ اٹی دا وخت آ مسہ طالب علم تعلیم دوئی کننگ ءُ۔ ہائی کمشنر کامسٹیک نا کوشست آتا ستاءِ کرے و ممباساکاؤنٹی کن پروگرام آ اونا منت واری ءِ ہرفے۔ فریق آک آخبت اٹ پین پروگرام بناکننگ آ امنا کریر۔
