پاکستان سول ایوی ایشن اتھارٹی نا کنڈآن گلگت ، اسلام آباد و لاہور تون اوار جہانی بالی پٹ آتیا ہتم نا شجرکاری مہم 2024 نا بناءِ کرے

اسلام آباد۔ 18 مارچ (اے پی پی) پاکستان سول ایوی ایشن اتھارٹی قدرتی چاگڑد نا رکھ و اودے گچین کننگ کن گلگت، اسلام آباد و لاہور تون اوار ایلو بالی پٹ آتیا ہتم نا شجرکاری مہم 2024 نا بناءِ کرینے ہرانا رداٹ مچ آ دنیاٹی ہوابازی نا سرجزآتیا آب وہوا نا بدلی نا اثر آتا اعتراف ءِ کرسا چندی انواع و اقسام نا نیال خلنگ انگ ءِ۔ پاکستان سول ایوی ایشن اتھارٹی نا کمامدار آتا پاننگ ءِ کہ درخت نئے بیرہ ننا کیبی نا زیبائی ٹی ودکی کیک بلکن آب و ہوا نا بدلی نا مقابلہ ءِ کننگ و تہوانا آب ءِ گچین کننگ اٹ ہم اہم کڑد ادا کیک۔ گلگت بالی پٹ آ بالی پٹ مینیجر گلگت آفیسر کمانڈنگ ایئرپورٹ سیکورٹی فورس (اے ایس ایف) و اسٹیشن منیجر پاکستان انٹرنیشنل ایئرلائن(پی آئی اے)  تون اوار شجرکاری مہم ناکماشی ءِ کرے۔ ہراٹی چیری ، انجیر، خوبانی و لیمبو نا میوہ دار نیال خلنگا۔ علامہ اقبال انٹرنیشنل بالی پٹ آ سی اے اے، پی ایچ اے و نیسلے نا شریداری اٹ شجرکاری دود اس اڈتننگا ہراٹی نیسلے فراخدلی نا درشانی  ءِ کرسا 5 ہزار نیال عطیہ کرے۔ دود اٹی نیسلے فار پاکستان اینڈ اوغانستان نا سی ای او ، ڈائریکٹر پی ایچ اے و اسلام آباد انٹرنیشنل بالی پٹ انا منیجر، پی آئی اے نا کمامدارآتیان بیدس ٹرسٹ اسکول لاہور ناطالب علم آک  ہم بشخ ہلکر و شجرکاری مہم اٹی بشخ ہلکر۔ ہندا وڑ اسلام آباد انٹرنیشنل بالی پٹ انتظامیہ بالی پٹ نا دنگ اٹ شجرکاری نا اسہ جوان ءُ مہم اسے نا بناءِ کرینو ہرانا بنا اسلام آباد انٹرنیشنل بالی پٹ اٹی سول ایوی ایشن اتھارٹی ہارٹیکلچر نرسری نا کنڈآن تروک آ 500 نیال آتیان مریک۔