اسلام آباد۔ 18 مارچ (اے پی پی) وزیرخارجہ محمد اسحاق ڈار تون چین نا سفیر جیانگ زویڈونگ دوشنبے نادے آ داڑے اوڑدہی کرے۔ دفترخارجہ نا کنڈآن جاری بیان نا رداٹ اوڑدہی ٹی وزیرخارجہ پارے کہ پاک چین ہرموسمی سٹریٹجک کوآپریٹیو پارٹنر شپ ہڑتوم آ ملک آتا شونداری و شونہالی و علاقائی امن و سوگوی کن المی ءِ۔ وزیرخارجہ ہڑتوم آ کنڈآتا تعلقداری تے سوگو کننگ کن ہڑتوم آ ملک آتا …
وزیرخارجہ محمد اسحاق ڈار تون چین نا سفیر جیانگ زیڈونگ نا اوڑدہی
گیشتریں ھال
اسلام آباد۔ 18 مارچ (اے پی پی) وزیرخارجہ محمد اسحاق ڈار تون چین نا سفیر جیانگ زویڈونگ دوشنبے نادے آ داڑے اوڑدہی کرے۔ دفترخارجہ نا کنڈآن جاری بیان نا رداٹ اوڑدہی ٹی وزیرخارجہ پارے کہ پاک چین ہرموسمی سٹریٹجک کوآپریٹیو پارٹنر شپ ہڑتوم آ ملک آتا شونداری و شونہالی و علاقائی امن و سوگوی کن المی ءِ۔ وزیرخارجہ ہڑتوم آ کنڈآتا تعلقداری تے سوگو کننگ کن ہڑتوم آ ملک آتا سرکڑدہ غاتا بدل مفروک عزم انا ذکر ءِ کرسا ہڑتوم آملک آتا سرکڑدہ غاتا تصور نارداٹ ہڑتوم آ کنڈآتا تعلقداری تے پین گہرا کننگ و چین پاکستان اقتصادی راہداری نا فیز ٹو ءِ مون آ دننگ کن اسیجائی کوشست آتیکن پاکستان نا عزم انا درشانی ءِ کرے۔ چین نا سفیر جیانگ زیڈونگ چین نا کنڈآن پاکستان ءِ تروک آ خصوصی اہمیت و پاکستان نا راجی و اقتصادی شونداری ، صنعتی و کشاری کمکاری کن اونا پبی مخ تفی آ زور شاغا۔ اووزیرخارجہ تون سی پیک نا فیز ٹو انا بڑزکو آب انا شونداری آ ہم امنا کرے۔
