اسلام آباد۔17مارچ (اے پی پی):صدر مملکت آصف علی زرداری ءَ میر علی، گوریچانی وزیرستان ءَ شہید بوھوکیں لیفٹننٹ کرنل سید کاشف علی ءُ کیپٹن محمد احمد بدر ءِ جنازہ ءَ گوستگیں شپ ءَ بھر زوری کت ءُ شہید آناں توسیپ ءُ ستا پیش کت۔ ایوان صدر میڈیا ونگ ءِ نیمگ ءَ یک شمبے ءَ جاڑیگیں پریس ریلیز ءِ رد ءَ صدر مملکت آصف علی زرداری ءَ ناشرکاری ءَ را دپ پروشیں پسو دیگ ءِ جزم ءِ درشان کنان ءَ گوشتگ کہ ملک ءَ ناشرکاری ءِ کاروائی کنوک آناں دپ پروشیں پسو دیاں۔ ناشرکار آں چہ ورنا آنی ھون ریچگ ءِ پسو الم گراں۔
