اینٹی نارکوٹکس فورس منشیات اسمگلنگ نا برخلاف 13 کارروائی تیٹی 98 کلو گرام منشیات دوئی کرسا 16 دوبہ دار آتے دزگیرکرے

راولپنڈی۔ 15 مارچ (اے پی پی) اینٹی نارکوٹکس فورس منشیات اسمگلنگ نا برخلاف 13 کارروائی تیٹی 98 کلوگرام منشیات دوئی کرسا 16 دوبہ دار ءِ دزگیرکرے۔ ترجمان اے این ایف پارے کہ پشاور ایئرپورٹ آ شارجہ غا ہنوک آ 2 مسافر آن 9کلوگرام چرس دوئی کننگا۔ اسلام آباد ایئرپورٹ آ قطر آ ہنوک آ مسافر آن 2.9 کلوگرام آئس دوئی کننگا۔ سیالکوٹ ایئرپورٹ آ قطر آ ہنوک آ مسافر آن 1 کلوگرام آئس دوئی کننگا۔ لاہور کوریئر آفس اٹی اٹلی آ مون تروک آ پارسل آن 400 گرام ہیرون دوئی کننگا۔ اسلام آباد ایئرپورٹ آ اِراکارروائی تیٹی سعودیہ و ترکی آ ہنوک آ اِرا مسافر آن 116 ہیرون آن پُر کیپسول دوئی کننگا۔ لاہور ایئرپورٹ آ ملیشیا آ ہنوک آ مسافر آن 19 ہیرون آن پُر کیپسول دوئی کننگا۔ راولپنڈی ٹی کوریئر آفس آن تھائی لینڈ آ مون تروک آ اِرا پارسل آتیان 164 گرام ویڈ دوئی کننگا۔ موٹروے چوک پشاور نا خڑک 3 دوبہ دار آن 40.8 کلوگرام چرس دوئی کننگا۔ جی ٹی روڈ سوہاوہ نا خڑک اِرا دوبہ دار آن 21.3 کلوگرام چرس دوئی کننگا۔ ایم ون موٹرووے اسلام آباد نا خڑک اِرا زالبول آن 14 کلوگرام چرس دوئی کننگا۔ جڑانوالہ روڈ فیصل آباد آ اِرا دوبہ دار آن 1.2 کلوگرام افیم، 2 کلو گرام ہیرون و 3.3 کلوگرام چرس دوئی کننگا۔ ترجمان اے این ایف پارےکہ دزگیر دوبہ دار آتا برخلاف انسدادِ منشیات ایکٹ نا رداٹ مقدمہ نوشتہ کرسا جاست وپاست نا بناءِ کننگانے۔