قومی اسمبلی ٹی غزہ غا اسرائیلی جارحیت اٹی بھلو کچ اسے آ بے گناہ فلسطینی تا شہیدی آ امنائی مذمتی قرارداد نا منظوری

اسلام آباد۔ 15 مارچ (اے پی پی) قومی اسمبلی  ٹی غزہ غا اسرائیلی جارحیت نا نتیجہ ٹی بھلو کچ اسے آ کودک و بے گناہ فلسطینی تا شہیدی آ امنائی مذمتی قرارداد اسے نا منظوری ءِ تننگا۔ جمعہ نادے آ قومی اسمبلی ٹی شازیہ مری قرارداد پیش کرسا پارے کہ قومی اسمبلی نا دیوان داایوان اسلاموفوبیا نا برخلاف  اڈ تروک آ جہانی دے انا وخت آداہیت انا درشانی ءِ کیک کہ اسلام  دزگزر، ، امن و عدم تشدد نا تعلیمات آتا حامل مذہب ءِ۔ شازیہ مری پارے کہ دا ایوان روچہ مبارک اٹی ہم غزہ نا کودک و بے گناہ فلسطینی شاری تیا اسرائیلی جارحیت نا ترند انگا لوز آتیٹی مذمت ءِ کیک انتئے کہ اکتوبر 2023ء آن داتم اسکان 30 ہزار آن زیات کودک و بے گناہ فلسطینی شہید مسنو۔ داایوان جہانی واکدار آتیان خواست کیک کہ فلسطین آ اسرائیلی جارحیت ءِ بند کرفنگ کن تینا کڑد ءِ ادا کیر۔ قومی اسمبلی قرارداد نا امنائی سلاہ اٹ منظوری ءِ تس۔