بنجائی وزیر داخلہ محسن نقوی نا سعودی سفیر نواف بن سعیداحمد  المالکی تون اوڑدہی

اسلام آباد۔ 14 مارچ (اے پی پی) بنجائی وزیر داخلہ و انسداد منشیات محسن  نقوی سعودی عرب نا سفیر نواف بن سعید احمد المالکی تون اوڑدہی کرے ہراٹی تین پہ تینی است خواہی نا امور، ہڑتوم آکنڈآتا تعلقداری تا مون آ دننگ و چندی بشخ آتیٹی کمکاری ءِ ودفنگ آ گپ وتران کننگا۔ پنچ شنبے نادے آ بنجائی وزیر داخلہ محسن نقوی ڈپلومیٹک انکلیو ٹی سعودی سفیر تون اوڑدہی کرے۔ سعودی سفیر بنجائی وزیر داخلہ نا عہدہ ءِ سنبھالنگ آ محسن نقوی ءِ مبارکبادی تس و پوسکن آ زمواری تا سنبھالنگ آ محسن نقوی کن نیک است خواہی نا درشانی ءِ کرے۔ سعودی سفیر پنجاب اٹی بھلو رفتار و بڑزکو آب اٹ ریکارڈ مد اٹی السی ڈٹ آتا پوروی آ محسن نقوی نا کارکڑد انا ستاءِ کرے۔ بنجائی وزیر داخلہ محسن نقوی پنجاب حکومت تون کمکاری آ سعودی سفیر نا منت واری ءِ ہرفے۔ بنجائی وزیر داخلہ محسن نقوی پارے کہ سعودی عرب ہر آزمائشت اٹی پاکستان تون پبی تفینے۔ سعودی عرب پاکستانی تا ارٹ میکواُرا ءِ ۔ پاکستانی قوم ءِ سعودی عرب تون تعلقداری آ گمر ءِ۔ اوپارے کہ نی پاکستان و سعودی عرب نا نیام اٹ تعلقداری تے سوگو تر کننگ کن بے مٹ کڑد ادا کرینس۔ سعودی عرب تون تاریخی سنگتی آ نن غٹ ناز کینہ۔