پاکستان چین سنگتی علاقائی امن، سوگوی و شونداری کن اہم ءُ حیثیت اس تخک، صدر مملکت آصف علی زرداری نا چین نا صدر شی جن پنگ ءِ چٹھی

اسلام آباد۔ 14 مارچ (اے پی پی) صدر مملکت آصف علی زرداری پاکستان نا دُوارہ صدر گچین مننگ آ چین نا صدر شی جن پنگ نا کنڈآن مبارکباد ی تننگ آ اونا منت واری ءِہرفسا پارینے کہ چین اتون سدابہار شریداری سوگو کننگ کن سنبرینگوک اُن، پاکستان و چین نا سوگو سنگتی علاقائی امن، سوگوی و شونداری کن اہم حیثیت تخک۔ پنچ شنبے آ ایوان صدر نا پریس ونگ آن جاری بیان نا رداٹ چینی صدر نا کنڈآن تہنیتی کلہو آ صدر مملکت اسہ چٹھی اسے ٹی اونا منت واری ءِ ہرفے۔ صدر مملکت صدر شی جن پنگ نا چٹھی نا ورندی ءِ ترسا  تین پہ تینی عملی کمکاریءِ گہرا کننگ ، سدابہار شریداری ءِ سوگو کننگ و ہڑتوم آملک آتا فائدہ کن اسیجائی کمیونٹی ءِ مون آ دننگ کن چینی صدر تون اواری اٹ  کاریم کننگ نا عزم انا درشانی ءِ کرے۔ صدر آصف علی زرداری پارےکہ پاکستان و چین بیرہ ہمسایہ آخا بلکن آہنی ایلم ءُ، ہڑتوم آملک آک پاک۔چین اقتصادی راہداری(سی پیک) تون اوار ہڑتوم آ کنڈآتا چندی بشخ آتیٹی نما ن پیش رفت کرینو ۔ صدر مملکت پارے کہ ہڑتوم آ ملک آک سدابہار تزویراتی کمکاری نا شریداری ناسرسہبی کن سنبرینگوک ءُ۔ اوپارے کہ صدر شی جن پنگ نا بدل مفروک  مخ تفی سی پیک نا شونداری کن المی مریک، تاریخ پاکستان و چین ءِ اسہ یکتا رشتہ سے ٹی گنڈانے، غٹ جہانی ویل آتیا تین پہ تینی شرف ، افہام و تفہیم و اسیجائی خیال آتیان پاک۔ چین تعلقداری پین سوگو مسنے۔ صدر مملکت چین اتون عملی کمکاری ءِ پین سوگو کننگ ناعزم انا درشانی ءِ کراس صدر شی  جن پنگ نا کنڈآن پاک۔ چین سنگتی نا کنڈآ صدر زرداری نا عزم انا اعتراف ناہم ستا ءِ کرے۔