ڈیرہ مراد جمالی۔ 13مارچ (اے پی پی) ایگزیکٹیو انجینئر روڈز نصیر آباد انجینئر عبدالرحمان کاکڑ ضلع نصیر آباد اٹی برجا روڈ وپول آتا تفنگ نا جاچ ءِ ہلک۔ فلیجی چھتر روڈ، میر حسن روڈ پورو کروک آ ڈٹ بہرام خان بلیدی روڈ پٹ فیڈر کینال آ زیر تعمیر پول داکان بیدس پیروپل نا ہند آ 70 ملین نا خڑچ آں زیر تعمیر پول انا کاریم تا جاچ ءِ ہلنگ نا …
ایگزیکٹیو انجینئرروڈز نصیر آبادنا روڈ و پول تا تفنگ نا کاریم نا جاچ
گیشتریں ھال
ڈیرہ مراد جمالی۔ 13مارچ (اے پی پی) ایگزیکٹیو انجینئر روڈز نصیر آباد انجینئر عبدالرحمان کاکڑ ضلع نصیر آباد اٹی برجا روڈ وپول آتا تفنگ نا جاچ ءِ ہلک۔ فلیجی چھتر روڈ، میر حسن روڈ پورو کروک آ ڈٹ بہرام خان بلیدی روڈ پٹ فیڈر کینال آ زیر تعمیر پول داکان بیدس پیروپل نا ہند آ 70 ملین نا خڑچ آں زیر تعمیر پول انا کاریم تا جاچ ءِ ہلنگ نا وخت آ اوانجینئر آتے سختی اٹ پارت کرے کہ او شونداری ڈٹ آتا سختی اٹ چاروکی ءِ کیر داڈٹ آتے الس نا گیشتر فائدہ غاتیٹی تفنگ انگ ءِ تانکہ الس دا ڈٹ آتیان فائدہ ہرفنگ کیر۔ اوپارے کہ ننا پبی کوشست مریک کہ الس حکومت نا دا پروجیکٹ آتیان فائدہ دوئی کے و علاقہ نا شونداری و شونہالی ممکن مرے و مخلوق ءِ مواصلات نا بشخ اٹی آسراتی فراوان مننگ کے ، اوپارے کہ دا ڈٹ آتے آب انا رداٹ و مقررہ تکمیل مد اسکان پورو کننگ انگ ءِ تانکہ الس نا مشکل آتیٹی پیدوار وڑاٹ کمتی واقع بننگ کے ، نصیر آباد نا دا علاقہ زرخیز ءِ ہراڑے بزغرآتے ذریعہ اجناس نا منڈی تسکان رسینگ نا عمل ہم آسان مریک وخت آ اجناس نا رسد آن بزغر حکومت نادا گام گیج آن براہ راست فائدہ ہرفنگ کیرہ وخت اس کہ ایول ہند آتیا پول ہم جوڑ کننگ انگ ءِ ہرامخلوق ناسفر ءِ پین آسان کیرہ۔
