کوئٹہ ٹی گیس سلنڈر دھماکہ ٹی مسہ بندغ زوال کریر، اِرا بندغ ٹھپی

کوئٹہ۔ 13 مارچ (اے پی پی) کوئٹہ  نا علاقہ ایئرپورٹ روڈ اچکزئی کالونی ٹی اُراسے ٹی گیس سلنڈر دھماکہ ٹی مسہ بندغ زوال و اِرا بندغ ٹھپی مسر، زوال کروک آتیٹی اِرا چناہم اوار ءُ۔ لاش آتے ایدھی ایمبولینس نا کمک اٹ سول ہسپتال آ گدریفنگانے۔ ایدھی حوالی نا رداٹ چارشنبے نادے آ کوئٹہ ایئرپورٹ روڈ چورنگی اچکزئی کالونی نا اسہ اُراسے ٹی گیس سلنڈر نااناگت دھماکہ مس ہراٹی مسہ بندغ زوال کریر وخت اس کہ اِرا بندغ ہشنگسا ٹھپی ہم مسر، زوال کروک آتیٹی اِرا چناہم اوار ءُ ۔ حوال ملنگ تون پولیس و ایدھی موقع غا سرمرسا لاش و ٹھپی تے دمدستی وڑاٹ سول ہسپتال آ گدریفیر  ہراڑے ٹھپی تے طبی امداد تننگ انگ ءِ۔