منشیات تور فورس انا کارروائی، 451 کلوگرام منشیات دوئی

راولپنڈی۔ 13 مارچ (اے پی پی) منشیات تور فورس (اے این ایف) منشیات اسمگلنگ نابرخلاف 11 کارروائی تیٹی 541 کلوگرام منشیات دوئی کرسا 17 دوبہ دار آتے دزگیرکرے۔ ترجمان اے این ایف نا رداٹ لاہور اٹی کوریئر آفس اٹی جاپان آ مون تروک آ پارسل آن 5.2 کلوگرام آئس دوئی کننگا۔ ملتان بالی پٹ آ دوحہ غا ہنوک آ مسافر آن 450 گرام آئس دوئی کننگا ۔ راولپنڈی ٹی  کوریئر آفس اٹی برطانیہ غا گدریفوک آ پارسل آن 66 گرام ویڈدوئی کننگا۔ روغنی روڈ چمن آن 220 کلوگرام چرس دوئی کننگا۔ شارلیمارٹاؤن لاہور اٹی زالبول اسے تون اوار 4 دوبہ دار آتیان 195.6 کلوگرام افیم دوئی کننگا۔ ترکی ٹول پلازہ سوہاوہ نا خڑک اِرا کارروائی تیٹی 4 دوبہ دار آن 15.6 کلوگرام چرس دوئی کننگا۔ ٹول پلازہ اسلام آباد نا خڑک دوبہ دار آن 7 کلوگرام چرس دوئی کننگا۔ قصور اٹی 6 دوبہ دار دزگیرکرسا اوفتا کوزہ غان 5 کلوگرام ہیرون و 1 ڈرون دوئی کننگا۔ مری روڈ راولپنڈی ٹی دوبہ دار آن 2.4 کلوگرام چرس دوئی کننگا۔ ترجمان اے این ایف پارے کہ دزگیر دوبہ دار نا برخلاف انسدادِ منشیات ایکٹ نا رداٹ مقدمہ نوشتہ کرسا جاست وپاست نا بناءِ کننگانے۔