کوئٹہ۔ 13 مارچ (اے پی پی)پاکستان مسلم لیگ (ن) نا راہشون و مسکوہی صوبائی وزیر ثوبیہ کرن کبزئی و صلاح الدین کبزئی ئسک مسکوہی وزیراعلیٰ بلوچستان جام کمال خان ءِ بنجائی وزیر واپار نا چارج ءِ سنبھالنگ آ مبارکبادی ترسا پارینو کہ جام کمال خان الس نا بے رنگ و نسل خذمت ءِ پک کیک و ملک ءِ مون تروک ویل آتیان کشنگ اٹ تینا کڑد ءِ ادا کیک۔ داڑے جاری مروک اسہ ب اسیجائی بیان اسے ٹی اوفک پاریر کہ مسکوہی وزیراعلیٰ بلوچستان جام کمال خان تینا وزارت اعلیٰ ٹی الس نا بے رنگ ونسل خذمت ءِ کرے و صوبہ ٹی ریکارڈ شونداری کاریم کرفے ہرانا مستین اٹ ہچ ءُ درور اس ملپک۔ اوفک پاریر کہ جام خاہوت تدوک آ مسہ چین آن بلوچستان نا الس نا خذمت ءِ کرسا بننگ ءُ وزیراعظم پاکستان میاں محمد شہباز شریف جام کمال خان ءِ بنجائی کابینہ ٹی اوار کرسا اسہ جوان ءُ گام اس ہرفینے۔ اوفک جام کمال خان ءِ وزارت واپار نا چارج ءِ سنبھالنگ آ مبارکبادی ترسا اومیت ظاہر کرے کہ جام کمال خان مسلم لیگ (ن) نا سرکڑدہ و الس نا پت آ پورو سلنگ نا کوشست کیک۔
