ہچ کس ءِ زرگزران ءِ نسخان تننگ نا موکل تفنہ، عطاء اللہ تارڑ

اسلام آباد۔ 13 مارچ (اے پی پی) بنجائی وزیر حوالکاری وشینکاری عطاء اللہ تارڑ پارینے کہ پی ٹی آئی یورپی یونین ءِ غلط بیانی آ تالان بیانیہ ترسا پاکستان نا برخلاف سازش کننگ ءِ، داہموفک ءُ ہرافک 9 مئی آ جلہو کرسا شہید آتا یات گار آتے مسمار کریر ، پی ٹی آئی نا ترجمان تے زندان آن ملک ءِنسخان تننگ نا پارت ملنگ ءِ، ہچ کس ءِ زرگزران ءِ نسخان تننگ نا موکل تفنہ، عمران خان تون اوار غٹ بندی تا سیکورٹی ءِ پک کننگ زندان کمامدار و تعلقدار حکومت نا زمواری مریک۔ او چارشنبے نادے آ  پی ٹی وی ہیڈ کوارٹرزاٹی پریس کانفرنس آن تران کریکہ۔ بنجائی وزیر عطاء اللہ تارڑ پارے کہ بطور وزیر حوالکاری پورو کوشست مریک کہ میڈیا ورکر و صحافی تا راجی آسودہی کن گام گیج کیو۔ وزارت حوالکاری نا درگہ صحافی تیکن ملوک ءِ، کنا کوشست مریک کہ حکومت و میڈیا نا نیام اٹ پول انا کڑد اس ادا کیو۔ اوپارےکہ وزیراعظم شہباز شریف  منصب ءِ سنبھالنگ تون زرگزران ءِ مون تروک چیلنج آتون مون تننگ نا حکمت عملی آ کاریم نا بناءِ کرے ، تدوک آ دے بلومبرگ پاکستان نا زرگزران ءِ گچین کننگ نا لائخی تخوک آتا بابت وزیراعظم ناذکر مس۔ بلومبرگ محمد اورنگزیب نا بحیثیت وزیرخزانہ گچین کاری ءِ گچین گچین کاری اس گوندا۔ وزیرخزانہ محمد اورنگزیب جہانی کہول آ آزموندہ کار معیشت دان اسے۔ اوپارے کہ گڑاس سیاست دان تینا سیاست نا خاطر ریاست نا نسخان ءِ کننگ ءُ ۔