سعودی وزیرخارجہ تون برطانوی ہم منصب نا ٹیل فون آ رابطہ، غزہ نا حالیت و تین پہ تینی است خواہی نا ایلو امور نا بارواٹی گپ وتران کریر

ریاض۔ 12 مارچ (اے پی پی) سعودی عرب نا وزیرخارجہ شہزادہ فیصل بن فرحان تون برطانوی ہم منصب ڈیوڈ کیمرون ٹیل فون آ رابطہ کرے و تین پہ تینی است خواہی نا امور نا بارواٹی گپ وتران کرے۔ ایس پی اے نا رداٹ ہڑتوم آ راہشونک رابطہ ٹی اسیجائی است خواہی نا علاقائی و جہانی امور خاص وڑاٹ غزہ نا پٹی و اونا کیبی ٹی مروک آ پیش رفت و دا بابت کروک آ کوشست آتا بارواٹی گپ وتران کریر۔