اسلام آباد۔ 12مارچ (اے پی پی) ایشیائی شونداری بینک انا 13 باسکی مشن چیئرمین واپڈا انجینئر لیفٹیننٹ جنرل سجاد غنی (ریٹائرڈ) تون اوڑدہی کرے۔ واپڈاغان جاری اعلامیہ نا رداٹ مشن نا کماشی ءِ پراگریس ریویو مشن نا کنٹری ڈائریکٹر یونگ یی کریکہ۔ ایشیائی شونداری بینک انا جاچ مشن پاکستان نا دورہ غاٹی ءِ، و دا اوفتا چیئرمین واپڈ اتون دیر و پن بجلی نا بشخ آتا بابت (ریپ ایپ) جاچ اوڑدہی ئس۔ اوڑدہی ٹی واپڈاڈٹ آتا فنانسنگ نا بارواٹی گپ وتران کننگا۔ دا ڈٹ آتیٹی نولانگ ڈیم، کرم تنگی ڈیم نا ارٹ میکو ریسہ و پٹن ہائیڈرو پاور پروجیکٹ خاص وڑاٹ قابل ذکر ءُ۔ واپڈانا ممبرفنانس ، ممبر واٹر، جنرل منیجر(کوآرڈی نیشن اینڈ مانیٹرنگ) ، جنرل منیجر(ہائیڈرو) پلاننگ، جنرل منیجر(پروجیکٹس) ساؤتھ و جنرل منیجر(پروجیکٹس) نارتھ ئسک ہم دا وخت آ ساڑی ئسر۔ حوال اٹی مشن ءِ واپڈا نا شونداری ڈٹ آتا سرجم آتابارواٹی معلومدار کننگا۔ مشن ءِ پاننگاکہ واپڈا ملک اٹی واٹر، فوڈ و انرجی نا وسیلہ غاتے مون آ دننگ کن نیم و مریس مدتی حکمت عملی آ گامزن ءِ، تانکہ پاکستان اٹی پائیدار شونداری نا دوئی کننگ ءِ ممکن کننگ مرے۔ مشن ءِ پاننگاکہ واپڈا نا تعمیراتی سرجز اقوام متحدہ نا پائیدار شونداری نا مسخت آتون ہم گرنچ ءِ۔ حوال اٹی مشن ءِ نولانگ ڈیم، کرم تنگی ڈیم نا ارٹ میکو ریسہ و پٹن ہائیڈرو پاور پروجیکٹ آ پیش رفت آن ہم معلومدار کننگا۔
