بروک آ پنچ سال اٹی شونداری نا بنداو ءِ تخنہ، سیاست کن بے چیٹی تالان کننگ نا موکل تفننگک، احسن اقبال

اسلام آباد ۔ 12 مارچ (اے پی پی) بنجائی وزیر ڈٹ بندی، شونداری، اصلاحات و خصوصی گام گیج احسن اقبال  پارینے کہ پاکستان ءِ پائیدار شون ہلوک ملک اس جوڑ کننگ کن پبی گام گیج  کینہ، بروک آ پنچ سال آتیٹی شونداری نا بنداو ءِ تخنہ، سیاست کن بے چیٹی تالان کننگ  نا موکل تفننگک۔ داخیال آتا درشانی ءِ او سے شنبے نادے آ پریس کانفرنس آن تران اٹی کرے۔ بنجائی وزیر پارے  کہ سیاسی سوگوی آن بیدس شونداری ممکن اف، اللہ نا شکر ءِ اداکیوہ، کنکن شرفمندی نا ہیت اسے  کہ چارمیکو وار ڈٹ  بندی نا وزیر جوڑ مسونٹ، ہر وار دا وزارت اٹی کاریم کریٹ تو سیاسی نزوری ڈٹ آتے نسخان تس، سیاسی سوگوی و پالیسی تا تسلسل اسکان نن شون ہلنگ کپنہ، چین بنگلہ دیش، انڈیا و ترکی ٹی سیاسی سوگوی اہم ءُ کڑد اس ادا کرے۔ احسن اقبال پارے کہ پاکستان ءِ پائیدار شون ہلوک  ملک اس جوڑ کننگ کن پبی گام گیج کینہ، ہراڑآن نوکری ودی مریک ، پیدوار نا ہمو ذریعہ غاک  ہرا سوگو تکنگرہ  اوفتا جاگہ ءِ ٹیکنالوجی نا بشخ آک ہلکر۔ نن چین نا سی پیک آ پت دُوارہ دوئی کرینن۔ اوپارے کہ پنشن ، دفاعی بجٹ نا سوب آن ننا بجٹ وام تیا چلینگ انگ ءِ۔ نن پین وام ہلسا خڑچ کننگ اُن ہرا قابل قبول اف، وام تا ادائیگی کن پیدواری لائخی تیٹی ودکی کروئی مریک، اوپارےکہ پاکستان نا شونداری نا خواست آتے پورو کینہ۔ اوپارےکہ حکومتی خڑچ آتیٹی کفایت شعاری کینہ، ملکی زرگزران آ بھلا بھاریم وام تا ءِ، بیرہ پنشن نا بھاریم 800 ارب نا ءِ۔ اوپارے کہ ننا تدوک آ پنجاسال نا تاریخ سیاسی نزوری آن پُر تموک ءِ، نن فائیو ایزپالیسی ءِ مون آ دینہ، کنا زی آ پت کننگ آ وزیراعظم  شہباز شریف نا منت وار اُٹ، ننے جہانی مسابقت اٹی رہینگ کن ٹیکنالوجی اختیار کننگ نا گرج ءِ۔