بنجائی وزیرعطاء اللہ تارڑ وزارت حوالکاری و شینکاری ٹی تینا عہدہ نا چارج ءِ سنبھالا

اسلام آباد۔ 12 مارچ (اے پی پی) بنجائی وزیر عطاء اللہ تارڑ وزارت حوالکاری و شینکاری ٹی تینا عہدہ نا چارج ءِ سنبھالا۔ سے شنبے نادے آ  وزارت حوالکاری ٹی تینا دفتر آ بننگ آ بنجائی سیکرٹری حوالکاری و شینکاری شاہیرہ شاہد تون اوار وزارت نا ایلو بڑزکو آفیسر آک بنجائی وزیر ءِ بخیرکریر۔ عطاءاللہ تارڑ پاکستان مسلم لیگ (ن) نا سینئر راہشون ءِ ، او حلقہ این اے 127 لاہور آن قومی اسمبلی نا باسک گچین مس۔ ایوان صدر اٹی بحیثیت بنجائی وزیر سوغند ہرفنگ آن پد اینو سے شنبے نادے آ او وزارت حوالکاری ٹی تینا زمواری تے سبھالا۔ داوخت آ گپ وتران کرسا بنجائی وزیرعطاء اللہ تارڑ پارے کہ وزارت حوالکاری نا درگہ صحافی برادری کن ملوک مریک، ملک اٹی مثبت و تعمیری صحافت ءِ مون آ دننگ و حکومت و میڈیا نا نیام اٹ تعلقداری تے پین سوگو کننگ نا گرج ءِ۔ اوپارے کہ حکومتی گام گیج و پالیسی تے الس اسکان سرکننگ کن میڈیا تون اواری اٹ کاریم کینہ، میڈیا الس و حکومت نا نیام اٹ پول انا کڑد ءِ ادا کیک، داکڑد ءِ گچین وڑاٹ پورو کننگ نا گرج ءِ۔