اسلام آباد۔ 11 مارچ (اے پی پی) ڈپٹی اسپیکر قومی اسمبلی سید غلام مصطفیٰ شاہ اے این پی نا راہشون اسفند یار ولی نا اُرائی و ایمل ولی نا لمہ نا کزیت آ ہڑزخواہی نا درشانی ءِ کرینے۔ دوشنبے نا دے تینا کلہو اٹی اوپدسلوک خاہوت آتون دلی ہڑزخواہی و ہمدردی نا درشانی ءِ کرے وپارے کہ اللہ تعالیٰ ایماندار نا بخشش ءِ کے۔ اوناپاننگ ئس کہ غم و ڈکھیائی ناساہت اٹی پدسلوک آ خاہوت نا غم و ڈکھیائی ٹی بریبر نا شریک اُٹ۔ ڈپٹی اسپیکر اللہ تعالیٰ آن ایماندار نا درجہ غاتا بڑزی و پدسلوک آ خاہوت آتیکن صبر وجمیل نا دعاکرے۔
