کوئٹہ۔ 11 مارچ (اے پی پی)پاکستان پیپلزپارٹی نا راہشون و بلوچستان اسمبلی نا باسک عبیداللہ گورگیج پارینے کہ صدر آصف علی زرداری ءِ بلوچستان تون اوار غٹ صوبہ غاتیان وونٹ ملنگ داہیت انا درشانی ءِ کہ صدر زرداری بنجانا نشانی ءِ ، ارٹ میکو وار عہدہ کماشی کن آصف علی زرداری نا گچین کاری اونا آئینی گام گیج آتا بھرم ءِ۔ داڑے جاری مروک اسہ بیان اسے ٹی عبیداللہ گورگیج پارے کہ آصف علی زرداری ءِ ارٹ میکو وار بھلو گیشتری اسے اٹ صدر ءِ پاکستان گچین مننگ آ مبارکبادی ترسا پارے کہ صدر آصف علی زرداری بنجانا سوگوی نا نشانی ءِ، قومی اسمبلی، سینیٹ و ہر چار آ صوبہ غاتا گچین مروک باسک آک آصف علی زرداری آ تینا پت انا درشانی ءِ کرینو، آصف علی زرداری نا بطور صدر مملکت گچین کاری جمہوری قدر انا تسلسل و جمہوریت نا جیت ءِ، سیوتی جماعت آتا اواری اٹ پاکستان نا شونداری و شونہالی کن خواری کیرہ۔ اوپارے کہ آصف علی زرداری نا گچین کاری ملک اٹی جمہوری عمل نا سرسہبی اٹ مون آ ہِننگ نا شاہدی ءِ ، صدر زرداری ملکی سوگوی ءِ مدام مقدم تخانے آئین پاکستان ءِ اسہ وار ولدا اونا حقی محسن ملانے آصف علی زرداری ایوان صدر آ سرمننگ آن جمہوریت نا برخلاف سازش آتا باب بند مس، بلوچستان تون اوار غٹ صوبہ غاتیان وونٹ ملنگ داہیت انا درشانی ءِ کہ صدر زرداری بنجانا نشانی ءِ۔ اوپارے کہ ایوان صدر اٹی صدر زرداری نا بننگ آن پد ملک اٹی آئینی ادارہ و پارلیمنٹ نا بالادستی نا اسہ پوسکن ءُ دور اس بناکیک۔
