اسلام آباد، ایران نا سفیر نا روچہ مبارک نا بننگ آ پاکستانی قوم ءِ مبارکباد

اسلام آباد۔ 11 مارچ (اے پی پی) پاکستان اٹی ایران نا سفیر ڈاکٹر رضاامیری موغدم پارینے کہ ای روچہ مبارک نا مقدس تُو انا بننگ آ مسلمان ایلم و ایڑھ خاص وڑاٹ  پاکستان نا عظیم قوم ءِ مبارکبادی ایتیوہ۔ دوشنبے نادے آ ایرانی سفارت خانہ غان جاری بیان نا رداٹ اوپارے کہ ای مسلم دنیا نا عزت، سیوت و سالمیت کن دعا کیوہ۔ سفیر پارے کہ اللہ تعالیٰ، پیغمبر اسلام، قرآن مقدس و قبلہ ننے غٹ ءِ  اسہ دسک اسے نا وڑ گنڈک ہرا یقین نا اسہ پنیپروک آ رشتہ ءِ، روچہ مبارک ہندا اسیجائی بندھن نا درشانی ءِ۔ اوپارے کہ بدبختی اٹ دا روچہ نا تُو اٹی مسلم دنیا ءِ غزہ ٹی بے گناہ زالبول، چنا و نرینہ غاتا نسل کشی مون تروک ءِ، نن دا ظلم و نسل کشی نا چٹفنگ کن دعا کینہ۔