ریاض۔ 11 مارچ (اے پی پی) سعودی عرب نا فرمانروا ، خادم الحرمین الشریفین شاہ سلمان بن عبدالعزیز پارینے کہ ننکن تکلیفی نا سوب ءِ کہ روچہ مبارک ہندن ءُ وخت اسے آ بسنے ہراتم ننا فلسطینی ایلمک جارحیت تون مون تننگ ءُ۔ ایس پی اے نا رداٹ شاہ سلمان مبارک آ تُو انا بننگ آ مملکت نا شاری، رہینگوک و غٹ مسلمان تے مبارکبادی تس، تینا کلہو اٹی اوزور شاغا کہ جہانی برادری فلسطین اٹی وحشیانہ ڈوہ تے توننگ، رکھ انسانی و کمکی راہداری تے ملنگ نا زمواری تے پورو کے۔ اومملکت نا دنگ انا رکھ ءِ کروک آ عسکری ، سیکورٹی ادارہ غاتا کارندہ و طن نا خذمت اٹی اختہ چندی محکمہ غاتیان تعلق تخوک آغٹ سرکاری ملازمت آتے مبارک آ تُو انا خصوصی مبارکبادی تس ۔ شاہ سلمان پارے کہ نن اللہ نا شکر ءِ ادا کینہ ہرا دا ملک ءِ اسلام نا سرچشمہ جوڑ کرے ، ہراکان اسلام نا کلہو مچ آ دنیا ٹی تالان مس و ننے الحرمین الشریفین و اونا زائر آتا خذمت نا موقع تس۔ کلہو نا ایسر اٹی مملکت نا امن و شونہالی برجاسلنگ و روچہ تخوک آتا روچہ قبول مننگ نا دعاکرے۔
