اسلام آباد۔ 11 مارچ (اے پی پی) پاکستان سپرلیگ (پی ایس ایل) نا نہہ می ایڈیشن اٹی (پگہ) سے شنبے نادے آ اسٹ انگا میچ ملتان سلطانز و کوئٹہ گلیڈی ایٹرز نا نیام اٹ نیشنل اسٹیڈیم ، کراچی ٹی مریک۔ میچ شام انا 7 بجہ غا بناکیک۔ پاکستان کرکٹ بورڈ (پی سی بی ) نا کنڈآن پی ایس ایل نا دلچسپ مقابلہ غاتا چرجوئی برجاءِ۔ نیشنل کرکٹ اسٹیڈیم کراچی ٹی سے شنبے آ 30 می و آخیریکو لیگ میچ اٹی ملتان سلطانز و کوئٹہ گلیڈی ایٹرز نا ٹیم مون پہ مون مریرہ۔ ملتان سلطانز مایہ ناز وکٹ کیپر محمد رضوان نا کماشی ٹی میدان اٹی دڑنگک، داٹیم اٹی ڈیوڈ میلان، ڈیوڈ ویلے، افتخار احمد، کرس جارڈن ، اسامہ میر، شاہنواز دھانی، عباس آفریدی وعثمان خان کون آ گچین گوازی گر آک اوار ءُ۔ کوئٹہ گلیڈی ایٹرز ءِ مایہ ناز بیٹرریلی روسولیڈ کیک و اودے سرفراز احمد ، محمد وسیم جونیئر، محمد عامر، محمد حسنین ، عثمان قادر و عقیل حسین نا خذمت آک دوئی ءُ۔ ہڑتوم آ ٹیم تا 9،9 میچ مسنے، ملتان سلطانز غٹ آن زیات 12 پوائنٹ آتون ٹیبل آ سرفہرست ءِ وخت اس کہ کوئٹہ گلیڈی ایٹرز 11 پوائنٹ آتون چارمیکو نمبر آٹی ءِ۔ پاکستان سپرلیگ (پی ایس ایل) نا ناک آؤٹ ریسہ 14 مارچ آن بناکیک وخت ا س کہ فائنل میچ 18 مارچ آ کراچی ٹی مریک۔
