اسلام آباد۔ 10 مارچ (اے پی پی) الیکشن کمیشن صدر مملکت نا عہدہ غا آصف علی زرداری نا سرسہبی نانوٹیفکیشن ءِ جاری کرے۔ شنبے آ ریٹرننگ آفیسر آتا کنڈآن جاری فارم 7 انا رداٹ آصف علی زرداری ءِ قومی اسمبلی و سینیٹ آن 255، پنجاب اسمبلی آن 43، سندھ اسمبلی آن 58 ، خیبرپختونخوااسمبلی آن 8 و بلوچستان اسمبلی آن 47 وونٹ ملا۔ اونا مدمقابل اومیتدار محمود خان اچکزئی ءِ قومی اسمبلی و سینیٹ آن 119، پنجاب آن 18 ، سندھ آن 3، خیبرپختونخوا غان 41 وونٹ ملا، او بلوچستان آن ہچ ءُ وونٹ اس ہلنگ کتو۔ ہندا وڑ آصف علی زرداری 411 وونٹ ہلسا سرسہب مس وخت اس کہ محمود خان اچکزئی 181 وونٹ ہلک۔ کل 1044 وونٹ بِٹنگا ہرافتیان 9 وونٹ مسترد مسر، 1035 وونٹ ءِ سہی شمار کننگا۔
