لاہور۔ 08 مارچ (اے پی پی) چیف جسٹس لاہور ہائیکورٹ جسٹس ملک شہزاد احمد خان سوغند ہرفے۔ گورنر پنجاب ڈاکٹر بلیغ الرحمان جمعہ نا سہب اتون گورنرہائوس لاہور اٹی پوسکن آ چیف جسٹس لاہور ہائیکورٹ جسٹس ملک شہزاد احمد آن سوغند ہلک۔ داوخت آ وزیراعلیٰ پنجاب مریم نواز شریف ہم ساڑی ئس۔ سوغندی دود اٹی جسٹس عالیہ نیلم، جسٹس شاہد کریم، جسٹس شاہد بلال حسن، جسٹس فاروق حیدر، جسٹس شہباز رضوی، جسٹس باقر نجفی وایلوجج آک ، اسپیکر پنجاب اسمبلی ملک احمد خان، صوبائی وزیر آک و سینئروکیل وایلوسول کمامدارآک ہم ساڑی ئسر۔ سوغند ہرفنگ آن پد چیف جسٹس لاہور ہائی کورٹ جسٹس ملک شہزاد احمد خان دمدستی لاہور ہائیکورٹ آ روانہ مس ہراڑے ہائیکورٹ سیکورٹی نا چاک و چوبند دستہ اودے گارڈآف آنر پیش کرے وسلامی تس۔ داوخت آ ہائیکورٹ نا جوڈیشل آفیسر آک چیف جسٹس لاہور ہائیکورٹ ءِ بخیرکریر۔ اوکان پد چیف جسٹس لاہور ہائیکورٹ ملک شہزاد احمد خان ہڑدے نارداٹ عدالتی کاریم تے سرتننگ نا بناءِ کرے۔
