راولپنڈی۔ 08 مارچ (اے پی پی) اینٹی نارکوٹکس فورس 4 کارروائی تیٹی 114 کلوگرام منشیات دوئی کرسا 5 دوبہ دار آتے دزگیرکرے۔ اے این ایف ہیڈکوارٹر راولپنڈی آن جاری بیان نا رداٹ کراچی ٹی کوریئر آفس اٹی بنگلہ دیش آ مون تروک آ پارسل آن 3.6کلوگرام آئس دوئی کننگا۔ گیگامال راولپنڈی نا خڑک دوبہ دار آن 72 کلوگرام چرس و 13 کلوگرام افیم دوئی کننگا۔ کراچی روڈ قلات نا خڑک آن 12 کلوگرام چرس و 5 کلوگرام افیم دوئی کرسا اِرادوبہ دار ءِ دزگیرکننگا۔ برہان انٹرچینج اٹک نا خڑک 2 دوبہ دارآن 9 کلوگرام چرس دوئی کننگا۔ ترجمان پارے کہ دزگیر دوبہ دار آتا برخلاف انسداد منشیات ایکٹ نا رداٹ مقدمہ نوشتہ کرسا جاست وپاست نا بناءِ کننگانے۔
