سی پیک ڈٹ انا رداٹ ملک اٹی ارب آ ڈالر نا زرکاری بس، روزگار نا وارخواہی تیٹی ودکی مس، سینیٹر مشاہد حسین سید

اسلام آباد۔ 08 مارچ (اے پی پی) سینیٹ دیوان اٹی سینیٹر آک پارینو کہ ادارہ غاتا نیام اٹ تعلقداریک گچین مریر، داملک پین بےچیٹی  ءِ سگنگ کپک۔ جمعہ نادے آ سینیٹ اٹی سپاروکی سیشن آن تران اٹی سینیٹر مشاہد حسین سید پارے کہ بلوچستان و خیبرپختونخواٹی بے گوا بندغ آتا رپورٹ پیش کننگ نا بھلو حداسکان مخلوق بازیاب مسنو۔ اوپارے کہ چین پاکستان اقتصادی راہداری ڈٹ اسہ گیم چینجر ڈٹ اسے، دا ڈٹ انا رداٹ ملک اٹی ارب آ ڈالر نا زرکاری بسنے و روزگار نا وارخواہی تیٹی ودکی مسنے۔ سینیٹر سردار شفیق ترین پارے کہ تدوک آ شش سال آتیٹی دا ایوان اٹی ملک انا گچینی کن بھلو کانودسازی اس کننگاہراناجوان ءُ نتیجہ اس مون آ بریک۔ سینیٹر سید مظفر حسین شاہ پارے کہ ملک اٹی کشت وکشار نا بشخ اکن داایوان بھاز اہم ءُ کڑد اس اد اکرے۔ سینیٹر عرفان صدیقی پارے کہ ننا غٹ آ المی ءِ کہ داایوان نا چاگڑد ءِ گچین کین و اسہ ایلو نا برخلاف دوبہ خلنگ آن پاناد کین۔ داوخت آ سینیٹر فیصل جاوید، سینیٹر فدا محمد خان ئسک ہم تران کریر۔