کوئٹہ۔ 08 مارچ (اے پی پی) وزیراعلیٰ بلوچستان میر سرفراز بگٹی پارینے کہ آصف علی زرداری مفاہمت نا بادشاہ ءِ او غٹ سیاسی جماعت آتون اواری اٹ چلینگ انگ نا حق اٹی ءِ، بلوچستان کابینہ سینیٹ نا ضمنی گچین کاری تیان پد ٹہیفنگک۔ داخیال آتا درشانی ءِ او بلوچستان اسمبلی نا پیشن میڈیا تون گپ وتران کرسا کرے، میر سرفراز بگٹی پارے کہ صدارتی گچین کاری تیکن پاکستان پیپلزپارٹی غٹ جماعت آتون ہیت کیک دا چرجوئی ٹی جمعیت علماء اسلام نا قائد مولانا فضل الرحمان و صوبائی سرکڑد ہ غاتون صدارتی گچین کاری تیٹی تفنگ آ ہیت مسنے۔ اوپارے کہ ضمنی گچین کاری تیان پد صوبائی کابینہ نا گچین کاری تے کننگک، پاکستان پیپلزپارٹی و پاکستان مسلم لیگ ن نا نیام اٹ حکومت سازی نا بابت جوڑ کمیٹی وزارت آتا فیصلہ ءِ کیک۔ اوموروثی سیاست نا بابت اَرفوک آ سوج انا ورندی ٹی پارے کہ ای وزیراعلیٰ اُٹ کنا باوہ وزیراعلیٰ الوکہ۔
