صدر ڈاکٹر عارف علوی ءِ سپاروکی گارڈآف آنر پیش کننگا

اسلام آباد۔ 08 مارچ (اے پی پی) صدر مملکت ڈاکٹر عارف علوی ءِ اونا عہدہ صدارت نا مدانا ایسری آ جمعہ نادے آ ایوان صدر اٹی سپاروکی گارڈ آف آنر پیش کننگا۔ سلہہ بند فوج انا چاق و چوبند دستہ صدر مملکت ءِ گارڈ آف آنر پیش کرے۔ داوخت آ قومی ترانہ ءِ ہم خلنگا۔ اوکان پد دزکش مروک آ صدر مملکت ایوان صدر نا آفیسر و عملہ تون جوڑ بڑ ہم کرے، سپاروکی گارڈ آف آنر ہفتہ غا مروک آ بروک آ صدارتی گچین کاری تیان اسہ دے اس مست تننگا۔ ڈاکٹر عارف علوی 9 ستمبر 2018 آ پاکستان نا 13 می صدر نا حیثیت اٹ سوغند ہرفیسس۔