پاکستان حق خودارادیت نا دوئی کننگ نا جہد اٹی کشمیری تتون ہم کوپہ سلک، وزیراعظم شہبازشریف

مظفرآباد۔ 08مارچ (اے پی پی) وزیراعظم شہباز شریف پارینے کہ پاکستان حق خودارادیت نا دوئی کننگ نا جہد اٹی کشمیری تتون ہم کوپہ سلک۔ وزیراعظم آفس نامیڈیا ونگ آن جاری بیان نا رداٹ اوداخیال آتا درشانی ءِ آزاد کشمیر نا وزیراعظم چوہدری انوارالحق تون اوڑدہی ٹی کرے۔ وزیراعظم آزاد کشمیر محمد شہباز شریف ءِ وزارت عظمیٰ نا منصب ءِ سنبھالنگ آ مبارکبادی تس و اوڑکن نیک است خواہی نادرشانی ءِ کرے ۔ وزیراعظم محمد شہباز شریف آزاد کشمیر نا وزیراعظم ءِ پاکستان نا کنڈآن کشمیری تا حق خودارادیت کن بدل مفروک مخ تفی نا باوری کرفے۔ اوپارےکہ کشمیری تا حق خودارادیت نا دوئی کننگ نا جہد اتی نن اوفتے  تون ہم کوپہ سلنہ۔ آزاد کشمیر ناوزیراعظم عہدہ ءِ سنبھالنگ تون آزادکشمیر نا دورہ ءِ کننگ آ وزیراعظم پاکستان نا منت واری ءِ ہرفے۔ وزیراعظم آزاد کشمیر پارے کہ اینو نا پِرتیان زہمی بندغ آتون اوڑدہی کن دانگیا بننگ داپاش کیک کہ پاکستانی تا است تینا کشمیری ایڑھ و ایلم تتون سُرک۔