واشنگٹن۔ 07 مارچ (اے پی پی) امریکہ پارینے کہ پاکستان وبھارت نا نیام اٹ پرامن، تعمیری تعلقداری ہُننگ خوانہ۔ انڈیپینڈنٹ اردو نا رداٹ امریکی محکمہ خارجہ نا ترجمان میتھیو ملر تدوک آ دے واشنگٹن ڈی سی ٹی پریس حوال اٹی اسہ سوج اسے نا ورندی ٹی پارے کہ امریکہ پاکستان و بھارت تون تینا تعلقداری تے قدر انا نظرا ٹ ہرک و دا ہڑتوم آ ملک آتا نیام اٹ پرامن، تعمیری تعلقداری ہُننگ خواہک۔ اوبھارتی وزیراعظم نریندر مودی نا کنڈآن شہباز شریف ءِ مبارکبادی تننگ نا خیرمقدم ءِ ہم کرے۔ کشمیر تون اوار غٹ ویل آتیا پاکستان و بھارت نا نیام اٹ آخبت اٹ مروک آ مذاکرات نا خیرمقدم ءِ کننگ نا بابت اسہ سوج اسے نا ورندی ٹی امریکی ترجمان پارے کہ یقینا نن پاکستان و بھارت نا نیام اٹ بھرمی و پرامن مذاکرات نا خیرمقدم ءِ کینہ ولے ہرہیت و گپ انا رفتار نا تعین ءِ پاکستان و بھارت ءِ تینٹ کروئی ءِ۔
