اسلام آباد۔ 07 مارچ (اے پی پی) ملک اٹی تعمیراتی و کانڑ کنی نا مشینری نا درآمد اٹی برجامالی سال نا اولیکو 7 تُو اٹی سالانہ بنداوتیا 5 درسد نا کمتی ریکارڈ کننگانے۔ پاکستان بیورو شماریات نا حساب وکتاب نا رداٹ مالی سال انا اولیکو7 تُو اٹی تعمیراتی و کانڑ کنی نا مشینری نا درآمد آتیا 50 ملین ڈالر نا زرمبادلہ خڑچ مس ہرا تدوک آ مالی سال انا ہند امد انامقابلہ ٹی 5 درسد کم ءُ۔ تدوک آ مالی سال انا ہند امداٹی تعمیراتی و کانڑ کنی نا مشینری نا درآمد آتیا 53 ملین ڈالر خڑچ مسوسس ۔ جنوری 2024اٹی تعمیراتی و کانڑکنی نا مشینری نا درآمد آتا کچ 9 ملین ڈالر ریکارڈ کننگا ہرا جنوری 2023 نا مقابلہ ٹی 6 درسد کم ءُ۔ جنوری 2023 اٹی تعمیراتی و کانڑکنی نا مشینری نا درآمدآتیا 8.6 ملین ڈالرنا زرمبادلہ خڑچ مسوسس۔ یات سلے کہ برجامالی سال انا اولیکو 7 تُو اٹی مشینری گروپ نا جم درآمد آتا کچ 4.35 ارب ڈالر ریکارڈ کننگا ہرا تدوک آ مالی سال انا ہندا مد انا مقابلہ ٹی 17 درسد زیات ءُ۔ تدوک آ مالی سال انا ہندا مد اٹی مشینری گروپ نا درآمد آتیا 3.73 ارب ڈالر زرمبادلہ خڑچ مسوسس۔
