راولپنڈی۔ 07 مارچ (اے پی پی) اینٹی نارکوٹکس فورس منشیات اسمگلنگ نا برخلاف 8 کارروائی تیٹی 273 کلوگرام منشیات و 770 لیٹر ہائیڈرو کلورک ایسڈ دوئی کرسا6 دوبہ دار آتے دزگیرکرے۔ اے این ایف ہیڈکوارٹر راولپنڈی آن جاری بیان نا رداٹ کراچی ٹی کوریئر آفس اٹی بنگلہ دیش آ مون تروک آ پارسل آن 3.5 کلوگرام آئس دوئی کننگا۔ارٹ میکو کارروائی ٹی کراچی آن پشاور آ ن مون تروک آ پارسل آن 3 کلوگرام چرس دوئی کننگا۔ پشاور بالی پٹ آ شارجہ غا ہنوک آ مسافر آن 416 گرام ہیرون دوئی کننگا۔ چمن آن 770 لیٹر ہائیڈروکلورک ایسڈ دوئی کننگا۔ راولپنڈی ٹی ترنول آن 108 کلوگرام چرس و 73 کلوگرام افیم دوئی کرسا 2 دوبہ دار ءِ دزگیرکننگا۔ اوتھل لسبیلا ٹی اِرا دوبہ دار آن 33.6 کلوگرام چرس دوئی کننگا ۔ لکپاس مستونگ نا خڑ ک آن 32 کلوگرام ہیرون دوئی کننگا۔ جامشورو ٹول پلازہ حیدرآ باد اٹی دوبہ دار اسے آن 19 کلوگرام چرس دوئی کننگا ۔ ترجمان اے این ایف پارےکہ دزگیر دوبہ دار نا برخلاف منشیات تور ایکٹ انا رداٹ مقدمہ نوشتہ کرسا جاست وپاست نا بناءِ کننگانے۔
