کوئٹہ۔ 07 مارچ (اے پی پی)پاکستان یوتھ پیس موومنٹ نا مرکزی چیئرمین ارباب ناصر حیدر کاسی ہزارہ ٹاؤن اٹی سم کاری آن بلوچستان شیعہ کانفرنس نا نائب صدر حاجی رمضان علی ہزارہ نا زوال کننگ آ است ہسونی نا درشانی ءِ کرسا پارینے کہ صوبائی حکومت و پولیس واقعہ ٹی اوار دوبہ دار آتے دزگیرکرسا اوفتے اوفتا کروک نا سزا ایتے و الس نا جان ومال انا رکھ اکن گچین و عملی گام گیج کننگے۔ داڑے جاری مروک اسہ بیان اسے ٹی ارباب ناصر حیدرکاسی کوئٹہ نا علاقہ ہزارہ ٹاؤن اٹی نادرست بندغ آتا سم کاری آن بلوچستان شیعہ کانفرنس نا نائب صدر حاجی رمضان علی ہزارہ نا ہلاکت نا مذمت ءِ کرسا ایماندار نا خاہوت تون ہڑزخواہی و ہمدردی نا درشانی ءِ کرینے۔ اوپارے کہ حاجی رمضان علی ہزارہ نا زوال کوئٹہ نا پرامن چاگڑد ءِ خراب کننگ نا سازش اسے ہرانا صوبہ نا الس ہچ ءُ حالیت اسے ٹی موکل تفک۔ اوپارے کہ صوبائی حکومت ، پولیس و ایلو کانود نافذ کروک آ ادارہ غاک حاجی رمضان نا خون اٹی اوار دوبہ دار آتے دزگیرکرسا اوفتے اوفتا کروک نا سزا ایتر و آخبت داوڑنا واقعہ غاتا توننگ کن گچین و عملی گام گیج کننگے۔
