کوئٹہ۔ 07 مارچ (اے پی پی) چیئرمین اسٹینڈنگ کمیٹی پیٹرولیم و رسورسز و سیاسی و اقتصادی امور نا ماہر سینیٹر محمد عبدالقادر پارینے کہ روچہ مبارک نا بننگ بننگ ءِ ملک گیر کہول آ کبینی آن الس بے کچ فریشان ءِ بلوچستان اٹی دُن تو نیزگاری نا کچ ایلو صوبہ غاتا نسبت زیات ءِ ہندا سوب آن بلوچستان نا صوبائی حکومت، بنجائی حکومت و سخیک اواری اٹ بلوچستان نا الس نا غذائی گرج آتے پورو کننگ خوار تو کننگ کیرہ، روچہ مبارک اٹی مچ آ صوبہ ٹی الس اسکان اڑزآن و آب اٹ المی آ گڑاتا سرکننگ وزیراعلیٰ بلوچستان سرفراز بگٹی کن اسہ بھلو چیلنج اس مریک۔ داڑے جاری مروک اسہ بیان اسے ٹی سینیٹر محمد عبدالقادر پارے کہ صوبہ بلوچستان نا الس ءِ دمدستی ریلیف فراوان کننگ کن وزیراعلیٰ بلوچستان سرفراز بگٹی ءِ سبسڈائزڈ گڑاتا فراوانی ءِ پک کروئی مریک، وزیراعلیٰ بلوچستان ، بلوچستان نا الس کن بنجائی حکومت آن خصوصی پیکج اس بایدے ہلے تانکہ کبینی نا خلوک مخلوق ءِ دمدستی وڑاٹ ریلیف فراوان کننگ مرے اگہ وزیراعلیٰ الس نا دا خذمت اٹی سرسہب مس تو ولدا گمان کننگ مریک کہ او بلوچستان نا ایلو ویل آتا قابل عمل ایسر اس پٹنگ اٹ ہم سرسہب مریک۔ اوپارے کہ وزیراعلیٰ بلوچستان اسہ آزموندہ کار سیاست دان اسے و صوبہ نا الس نا ویل آتیان جوانی اٹ بلد ءِ اوڑان گمان کننگ مریک کہ او بلوچستان نا الس نا ویل آتا ایسر اس کننگ اٹ سرسہب مریک۔ سوغندی آن پد وزیراعظم نا اولین دورہ گوادر نا وخت آ وزیراعظم میاں شہباز شریف وزیراعلیٰ بلوچستان ءِ اونا مستعدی آ شاباشی تس ہرا اونا لائخی تیا پت انا درشانی ءِ اومیت دا ہم کننگ انگ ءِ کہ او حکومتی و السی اومیت آتیا پورو سلنگ اٹ سرسہب مریک۔ چیئرمین قائمہ کمیٹی پارے کہ بلوچستان اٹی نیزگاری دا عالم ءِ کہ مخلوق تون باملنگ و باتفنگ کن ہچ اس مفک داوڑاٹ وزیراعلیٰ بلوچستان نا دا زمواری ءِ کہ او بنجاغان ہم کمک ہلے و سخی تے ہم دا خیرانا کاریم کن قائل کیر تانکہ بلوچستان نا الس ہم یکسوئی اٹ عبادت کننگ کیر اگہ بلوچستان نا صوبائی حکومت، بنجائی حکومت و سخیک اواری اٹ بلوچستان نا الس نا غذائی گرج آتے پورو کننگ خوار تو کننگ کیرہ۔
