اسلام آباد۔ 07مارچ (اے پی پی) صدر ڈاکٹر عارف علوی زالبول و چناتا سزاتیٹی انسانی ہمدردی نا بنداوتیا خصوصی اِلنگ نا پڑو کرینے۔ ایوانِ صدر نا پریس ونگ آن پنچ شنبےنادے آ جاری بیان نا رداٹ سزااِلنگ نا اطلاق 2 سال یا اوکان کم وخت اکن سزایافتہ زالبول و چناتیامریک، اِلنگ نااطلاق سزا پورو مننگ اٹی 2 سال آن کم انا وخت رہینگوک آ زالبول و چناتیامریک۔ بیان نا رداٹ سزاٹی کمتی نا اطلاق خون، جاسوسی، ریاست مخالف سرجز، برمتہ، دُزی، داڑیلی نا ڈوہ تیا مفک، کمتی نا اطلاق زِنا آرڈیننس ، انسدادِ دہشت گردی، درملکی بندغ و نشئی آ مواد نا کنٹرول ایکٹ انا رداٹ سزایافتہ ڈوہدار تیا مفک۔ صدر مملکت سزاتیٹی کمتی نا منظوری آئین نا آرٹیکل 45 و رولز آف بزنس نا رداٹ تسنے۔
