اسلام آباد۔ 07 مارچ (اے پی پی) صدر مملکت ڈاکٹر عارف علوی مسہ جج آتا تعیناتی نا منظوری ءِ تس۔ ایوان صدر نا پریس ونگ انا رداٹ صدر مملکت جسٹس نعیم اختر اوغان نا بطور جج سپریم کورٹ آف پاکستان تعیناتی نامنظوری ءِ تس۔ جسٹس نعیم اختر اوغان بلوچستان ہائیکورٹ نا چیف جسٹس ءِ۔ صدر مملکت جسٹس نعیم اختر اوغان تعیناتی نا منظوری ءِ آئین نا آرٹیکل175(اے) 13 نار داٹ تس۔ بلوچستان ہائیکورٹ نا سینئر انگا جج جسٹس محمد ہاشم خان کاکڑ نا بطور قائم مقام چیف جسٹس بلوچستان ہائیکورٹ تعیناتی نا ہم منظوری ءِ تننگا۔ صدر مملکت جٹس محمد ہاشم خان کاکڑ نا بطور قائم مقام چیف جسٹس بلوچستان ہائیکورٹ تعیناتی نا منظوری ءِ آئین نا آرٹیکل 196 نا رداٹ تس۔ صدر مملکت جسٹس ملک شہزاد احمد خان نا بطور چیف جسٹس لاہور ہائیکورٹ تعیناتی نا ہم منظوری ءِ تس۔ جسٹس ملک شہزاد احمد خان لاہور ہائیکورٹ نا سینئر انگا جج ءِ۔ صدر مملکت تعیناتی نا منظوری ءِ آئین نا آرٹیکل 175(اے) 13نارداٹ تس۔
