آرمی  چیف  جنرل  سید عاصم  منیر    ءَ   ہیوی انڈسٹریز  ٹیکسلا ءِ تر ءُ تاب  کتگ، حیدر  ٹینک ءِ  مراگش ءَ  بھر زوری  کت

راولپنڈی۔6مارچ  (اے پی پی):پاک فوج ءِ   سروک  جنرل  سید عاصم  منیر ءَ ہیوی  انڈسٹریز  ٹیکسلا ءِ  تر ءُ تاب  کتگ ءُ حیدر  ٹینک ءِ   دیمدرائی    بھر زوری  کت۔ آئی ایس  پی آر  ءِ رد ءَ آرمی  چیف  جنرل سید   عاصم  منیر ءَ ہیوی   انڈسٹریز  ٹیکسلا   ءِ تر ءُ تاب  کت۔  مراگش ءَ  عوامی  جمہوریہ  چین   ءِ سفیر ءُ چینی  سرکاری  کمپنی  نورینکو ءِ   کارندہ شریک اتنت۔  حیدر  ٹینک   چینی کمپنی  نور ینکو ءُ پاکستان ءِ  جتا جتائیں  صنعت  آنی شریکداری ءَ چہ ھندی  رد ءَ تیار  کنگ بوتگ۔  حیدر  ٹینک  نوکیں  ٹیکنالوجی  ، فائر   پاور،  رکھینگی  رھبند   آنیگ  اِنت۔  آرمی چیف  ءَ را حیدر  ٹینک ءِ تکنیکی  ازمکاری آنی  بابت ءَ   سرجمیں  بریفنگ   دیگ بوت۔  آرمی چیف  جنرل سید عاصم  منیر ءَ تکنیکی   بن ھشت  ءِ  کامیاتی ءِ  پد ءَ اپسرگ   ءُ   لس  مردم   قوت ءِ جزم ءَ را  ساڑات۔  ایشی ءَ چہ پیسر   ہیوی  انڈسٹریل  کمپلیکس    ءَ  پجگ ءِ پد ءَ ایچ آئی  ٹی ءَ آرمی چیف  جنرل   سید  عاصم   منیر ءَ ر ا وش اتک  کت۔