راولپنڈی۔ 06مارچ(اے پی پی) اینٹی نارکوٹکس فورس منشیات اسمگلنگ نا برخلاف 11 کارروائی تیٹی 122 کلوگرام منشیات دوئی کرسا 12 دوبہ دار آتے دزگیرکرے۔ اے این ایف ہیڈکوارٹر راولپنڈی آن جاری بیان نا رداٹ رنگ روڈ پشاور نا خڑک آن 36 کلوگرام افیم دوئی کننگا۔  لبرٹی چوک لاہور نا خڑک آن 22 کلوگرام میتھاڈون دوئی کرسا دوبہ دار ءِ دزگیرکننگا۔ بلوچستان اٹی دوبہ دار آن 10 کلوگرام چرس دوئی کننگا۔ حیدر آباد اٹی قاسم آبا د نا خڑک دوبہ دار آن 7 کلوگرام چرس، 100 گرام ہیرون و 50گرام آئس دوئی کننگا۔ لیبرکالونی پشاور نا خڑک آں 3.6 کلوگرام چرس دوئی کرسا 3 دوبہ دار ءِ دزگیرکننگا۔ کارگو آفس لاہور اٹی کراچی کن مون تروک آ پارسل آن 2 کلوگرام چرس دوئی کننگا۔ لاہور اٹی کوریئر آفس آن 2 کلوگرام آئس دوئی کرسا 2 دوبہ دار ءِ دزگیرکننگا۔ گلگت اٹی دوبہ دار آن 1.4 کلوگرام چرس، مسہ 30 بور پشٹول بمعہ 7 میگزین و15 راؤنڈ دوئی کننگا۔ دینہ، جہلم اٹی اِرا دوبہ دار آن 900 گرام چرس دوئی کننگا۔ ترجمان اے این ایف پارے کہ دزگیر دوبہ دار نا برخلاف انسدادِ منشیات ایکٹ نا رداٹ مقدمہ نوشتہ کرسا جاست وپاست نا بناءِ کننگانے۔

متعلقہ مضامینمصنف کی طرف سے مزید