صدارتی اومیتدار پولنگ نا عمل بناکننگ آن مست پولنگ ایجنٹ پندار کننگ کیک، الیکشن کمیشن

اسلام آباد ۔ 06 مارچ (اے پی پی) الیکشن کمیشن پارینے کہ صدارتی گچین کاری رولز مجریہ 1988 نا رول 15 نا رداٹ صدارتی اومیتدار پولنگ نا عمل بناکننگ آن مست اسہ پولنگ ایجنٹ اس پندار کننگ کیک  ہراکہ پولنگ و گنتی نا عمل  نا مشاہدہ ءِ کیک۔ چارشنبے نادے آ جاری بیان اٹی ترجمان پارے کہ اومیتدار تعلقدار پریزائیڈنگ آفیسر ءِ نوشتہی وڑاٹ مطلع کیک۔ چیف الیکشن کمشنر/ریٹرننگ آفیسر صدارتی گچین کاری صدارتی گچین کاری رولز 32 نا رداٹ پارت جاری کرینے کہ صدارتی گچین کاری 2024اٹی بشخ ہلوک آ غٹ اومیتدار پولنگ ایجنٹ نا پنداری نا وخت آ داہیت ءِ مون آ تخرہ کہ پولنگ ایجنٹ تعلقدار ایوان یا اسمبلی نا باسک مرے۔