اسلام آباد۔ 06 مارچ (اے پی پی) الیکشن کمیشن قومی و صوبائی اسمبلی تیٹی زالبول و اقلیت آتا مخصوص نشست آتیا اومیتدار آتا سرسہبی نا نوٹیفکیشن ءِ جاری کرے وخت اس کہ قومی اسمبلی ٹی مسلم لیگ (ن) نا زالبول آتا اولیتی لڑچٹنگ آ اوفتیان 9 پین اومیتدارآتا لڑ ءِ خواہس۔ الیکشن کمیشن نا کنڈآن چارشنبے نادے آ جاری کروک آ نوٹیفکیشن نا رداٹ صوبہ خیبرپختونخوا غان قومی اسمبلی ٹی زالبول آتا مخصوص نشست آتیا پاکستان مسلم لیگ (ن) نا ثوبیہ شاہد، غزالہ انجم، شہلابانو و شاہین، جمعیت علمائے اسلام(ف) نا نعیمہ کشور خان، صدف احسان و پاکستان پیپلزپارٹی نا عاصمہ عالمگیر و نعیمہ کنول سرسہب گوندنگار۔ پنجاب آن قومی اسمبلی ٹی زالبول آتا مخصوص نشست آتیا پاکستان پیپلزپارٹی پارلیمنٹرینز نا اومیتدار ثمینہ خالد گھرکی ،نتاشاد دولتانہ و پاکستان مسلم لیگ (ن) نا تمکین اختر نیازی سرسہب گوندنگار۔ ہندا وڑ سندھ اسمبلی ٹی زالبول آتا مخصوص نشست آتیا پاکستان پیپلزپارٹی پارلیمنٹرینز نا سمیتا افضل سید و متحدہ قومی موومنٹ پاکستان نا فوزیہ حمید سرسہب گوندنگار۔ قومی اسمبلی ٹی غیر مسلم تا مخصوص نشست آتیا مسلم لیگ (ن) نا نیلم ، پاکستان پیپلزپارٹی پارلیمنٹرینز رمیش کمکار ونکوانی و جمعیت علمائے اسلام (ف) نا جیمز اقبال سرسہب گوندنگار۔ خیبرپختونخوااسمبلی ٹی غیرمسلم تیکن مخصوص نشست آتیا جمعیت علمائے اسلام پاکستان نا عسکرپرویز، پاکستان مسلم لیگ (ن) نا سریش کمار و پاکستان پیپلزپارٹی پارلیمنٹرینز نا بیری لال سرسہب گوندنگار۔ پنجاب اسمبلی ٹی اقلیت آتا مخصوص نشست آتیا پاکستان مسلم لیگ (ن) نا اومیتدار طارق مسیح، وسیم انجم و پاکستان پیپلزپارٹی پارلیمنٹرینز نااومیتدار بسروجی سرسہب گوندنگار۔ سندھ اسمبلی ٹی غیرمسلم تیکن مخصوص نشست آ پاکستان پیپلزپارٹی پارلیمنٹرینز نا اومیتدار سدومل سرندرولاسی سرسہب گوندنگا۔ پنجاب اسمبلی ٹی مسلم لیگ (ن) نا سعدیہ مظفر، فضامیمونہ ، عابدہ بشیر، مقصوداں بی بی ، آمرہ خان ، ثومیہ عطا، راحت افزا، رخسانہ شفیق، تحسین فواد، فرزانہ عباس، شگفتہ فیصل، عظمیٰ بٹ، ماریہ طلال، ساجد نوید، نسرین ریاض، افشاں حسن، آمنہ پروین، شہربانو ، زیباغفور، پاکستان پیپلزپارٹی نا روبینہ نذیر و استحکام پاکستان پارٹی نا سیدہ سمیرااحمد سرسہب گوندنگار۔ خیبرپختونخوا اسمبلی ٹی زالبول آتیکن جتا نشست آتیا جمعیت علمائے اسلام پاکستان نا نعیمہ کشور خان، ستارہ آفرین، ایمن جیل جان، مدینہ گل آفریدی، رابعہ شاہین، نیلوفربیگم، ناہیدہ نور، عارفہ بی بی، پاکستان مسلم لیگ (ن) نا آمینہ سردار، فائزہ ملک،افشاں حسین، شازیہ جدون، جمیلہ پراچہ، پیپلزپارٹی پارلیمنٹرینز نا شازیہ طماس خان، نعیمہ کنول، مہرسلطانہ ، اشبر جان جدون، فرزانہ شیریں، پاکستان تحریک انصاف پارلیمنٹرینز نا نادیہ شیر و عوامی نیشنل پارٹی نا خدیجہ بی بی سرسہب گوندنگار۔ یات سلے کہ سنی اتحاد کونسل ءِ زالبول و غیرمسلم تامخصوص نشست ملپننگ نا فیصلہ غان پد دا نشست آتے ایلو پارلیمانی جماعت آتیٹی بشخنگانے۔
