کوئٹہ۔ 06 مارچ (اے پی پی) وزیراعلیٰ بلوچستان میر سرفراز بگٹی نا کماشی ٹی غٹ محکمہ غاتا سیکرٹری تا اولیکو دیوان اڈ ہلک۔ وزیراعلیٰ بلوچستان غٹ سیکرٹری تے اسہ تُو اٹی ہدف و عملدرآمد کن ٹائم فریم ورک اس مرتب کننگ نا پارت کرے۔ اودیوان آن تران کرسا پارے کہ گورننس نا گچینی کن اسہ تُو اٹی جوان پلان اس مرتب کننگے، بنداوی کہول آ بڑزکو کہول اسکان کرپشن نا توننگ کن گام گیج کینہ، صوبہ و لس بندغ نا گچینی کن کاریم کروئی ءِ، صوبہ نا تینا وسیلہ غاتیٹی ودکی کن جوان تجاویز مرتب کننگے، دوئی وسیلہ غاتیٹی عمل نا قابل حکمت عملی اس جوڑ کننگے، ہرپوزیشن آ آفیسر آتا تقرری نا متعین دورانیہ ءِ رکھ ایتنہ وخت اس کہ محکمہ انٹی کرپشن ءِ فعال کرسا جوابدہی نا عمل ءِ گچین کینہ۔
