نناحکومت غٹ علاقہ و ڈیہہ تا ہندی بولی، ادب و دودوربیدہ ءِ پین مون آ دیک، وزیراعظم محمد شہباز شریف

اسلام آباد۔ 06 مارچ (اے پی پی) وزیراعظم محمد شہباز شریف پارینے کہ ننا حکومت غٹ علاقہ و ڈیہہ تا ہندی بولی، ادب و دودوربیدہ ءِ پین مون آ دیک، سویلی  پنجاب و داجاگہ نا دودوربیدہ، فنون و ادب نا شونداری مدام اولیت مسنے۔ چارشنبے نادے آ وزیراعظم آفس نا میڈیا ونگ آن جاری بیان نا رداٹ وزیراعظم سرائیکی کلچر و سرائیکی اجرک ڈے انا وخت آ مبارکبادی ترسا تینا کلہواٹی پارے کہ سویلی پنجاب و داجاگہ نا دودوربیدہ، فن و ادب نا شونداری مدام اولیت مسنے۔ ننا حکومت غٹ علاقہ و ڈیہہ تا ہندی زبان ، ادب و دودربیدہ  ءِ پین مون آ دیک۔ وزیراعظم پارے کہ سرائیکی وسیب نا غٹ رنگ زیبا و یکتا تہذیب و تمدن نا امین ءُ، ‘‘سرائیکی زبان ڈاڈھی مِٹھی بولی اسے، ’’ ۔ سرائیکی زبان سویلی پنجاب آخا، بلوچستان و بھارت اٹی ہم پاننگک۔ اوپارے کہ ادب، شاعری وسازوزیمل اٹی سرائیکی و اوڑتون  وابستہ اہل علم و قلم نابھلو بشخ اسے۔ سرائیکی کلچر، تہذیب و تمدن دریائے سندھ انا ہزار آ سال متکن آ تہذیب تون گنڈوک ءِ۔ وزیراعظم پارے کہ حضرت بہاؤالدین ذکریا، حضرت شاہ رکن عالم، خواجہ غلام فرید، محمد سلمان تونسوی ، سخی سرور، شاہ شمس تبریز کون آ بزرگانءِ دین و صوفیک سرائیکی زبان نا شان ءِ ودفیر۔ پاکستان نا ہر ڈیہہ نا تہذیب و دودوربیدہ نا مون آ دننگ آ یخین تخک۔