وزیراعظم شہباز شریف  نا ذوالفقار علی بھٹو ءِ شفاف ٹرائل ملپننگ آ سپریم کورٹ نا سلاہ غا پی پی پی سرکڑدہ غاتے مبارکباد، بھٹو ریفرنس اٹی سپریم کورٹ  نا امنائی سلاہ قومی کہول آ تاریخ ءِ سہی رداٹ پہہ مننگ اٹ کمکار مریک، شہباز شریف

اسلام آباد۔ 06 مارچ (اے پی پی) وزیراعظم شہباز شریف مسکوہی وزیراعظم ذوالفقار علی بھٹو ءِ شفاف ٹرائل ملپننگ نا سپریم کورٹ نا سلاہ غا بلاول بھٹو زرداری، پندار صدر آصف علی زرداری، پی پی پی سرکڑدہ و کارندہ غاتے مبارکبادی ترساپارینے کہ تاریخی غلطی نا ازالہ ممکن اف ولے سنگین غلطی نا اعتراف آن اسہ پوسکن ءُ تاریخ اس ، اسہ پوسکن ءُ روایت اس قائم مسنے۔ چارشنبے نادے آ  وزیراعظم آفس نا میڈیا ونگ انا کنڈآن جاری بیان نا رداٹ وزیراعظم شہباز شریف پارے کہ عدالت آن مروک آ زیادتی ءِ عدالت نا سہی کننگ مثبت ءُ پیش رفت اسے۔ اوپارے کہ بھٹو ریفرنس اٹی سپریم کورٹ نا امنائی سلاہ قومی کہول آ تاریخ ءِ سہی رداٹ پہہ مننگ اٹ کمکار مریک۔ مستین نا ردینک آتا سہی کننگ و خرینی تا چٹفنگ آن قومی سیوت  وشونداری نا عمل ترند مننگ کیک۔