کوئٹہ۔ 05 مارچ (اے پی پی) چائنا اوورسیز ہولڈنگ کمپنی (پاکستان) بلوچستان نا کرکی ضلع گوادر اٹی ساڑی آ ترند انگا پِر و نوکاپ آن زہمی علاقہ غاتیٹی ریلیف گڑاتا فراوانی نا چرجوئی ءِ برجاتخانے و داتم اسکان 30 ہزار آن زیات منرل واٹر بوتل و30 ہزار خور انا کینڈپیکٹ ہم زہمی تیٹی بشخنگانے وخت اس کہ چین ناکمک اٹ گوادر شار اٹی جوڑ چائنا پاکستان مڈل اسکول اٹی ہم سد آ خاہوت ءِ شیلٹر فراوان کننگ انگ ءِ۔ چائنا اوورسیز پورٹ ہولڈنگ کمپنی (پاکستان) نا ترجمان پارے کہ گوادر وکیبی نا نوکاپ و پِرتیان زہمی بندغ آتے مشکل نا داساہت اٹی تنیا اِلیپک اوفتا ہرممکن کمک ءِ پک کننگک کمپنی زہمی تا جانی و مالی نسخان آ ڈکھیائی نا درشانی ءِ کیک۔ گوادر نا رہینگوک آک چائنا اوورسیز پورٹ ہولڈنگ کمپنی پاکستان نا دا کوشست آتا ستاءِ کرے۔
