این ایف سی ایوارڈ نا رداٹ بنجانا کنڈآن صوبہ غاتے جاری  مالی سال انا اولیکو شش تُو اٹی 24 کھرب روپئی آن زیات نا فنڈ انا فراوانی

اسلام آباد۔ 05 مارچ (اے پی پی) این ایف سی ایوارڈ نا رداٹ بنجانا کنڈآن صوبہ غاتے جاری مالی سال انا اولیکو شش تُو اٹی 24 کھرب، 35 ارب ، 34 کروڑ، 90 لکھ روپئی نا فنڈ فراوان کننگا۔ وزارت خزانہ نا  کنڈآن دستیاب حساب وکتاب نا رداٹ جاری مالی سال انا اولیکو شش تُواٹی این ایف سی ایوارڈ نا رداٹ بنجانا کنڈآن صوبہ غاتے جم وڑاٹ 2،435،349 ملین روپئی فراوان کننگا، تدوک آ مالی سال اٹی این ایف سی ایوارڈ نا رداٹ بنجانا کنڈآن صوبہ غاتے 18 کھرب، 80 ارب، 40 کروڑ روپئی نا فنڈ فراوان کننگاسس۔ حساب وکتاب نا رداٹ مالی سال انا اولیکو سہ ماہی ٹی این ایف سی ایوارڈ نا رداٹ صوبہ غاتے فراوان کروک  فنڈ آتا کچ 10 کھرب،88 ارب، 20 کروڑ، 10 لکھ روپئی ئس۔ حساب وکتاب نا رداٹ جاری مالی سال انا اولیکو سہ ماہی ٹی این ایف سی ایوارڈ نا رداٹ  پنجاب ءِ 11 کھرب، 89 ارب، 69 کروڑ، 60 لکھ روپئی، سندھ ءِ 6 کھرب، اِرا ارب، 40 کروڑ، 90 لکھ روپئی، خیبرپختونخوا 4 کھرب ، 5 ارب، 90 لکھ روپئی و بلوچستان ءِ اِراکھرب ، 38 ارب، 18 کروڑ50 لکھ روپئی نا فنڈ فراوان کننگا۔ تدوک آ مالی سال انا ہندا مداٹی این ایف سی ایوارڈ نا رداٹ بنجاناکنڈآن پنجاب ءِ 525،886 ملین روپئی، سندھ ءِ 261،545 ملین روپئی، خیبرپختونخوا177،063 ملین روپئی و بلوچستان ءِ 123،708 ملین روپئی نا فنڈ فراوان کننگاسس۔