اسلام آباد۔ 05 مارچ (اے پی پی) وزارتِ مذہبی امور و بین المذاہب ہم آہنگی کلیار شریف، بھارت اٹی حضرت خواجہ علاؤالدین علی احمد صابر ؒ ناسالانہ عرس اٹی بشخ ہلنگ نا خواہندار پاکستانی زائرآتیان 20 مارچ اسکان زیارت فارم نا کمک اٹ درخواست آتے بٹنگانے۔وزارت نا ترجمان نا رداٹ درخواست آتون اوار وزارت نا پن اسہ ہزار روپئی نا ناقابل واپسی بینک ڈرافٹ جمع کرفنگ المی ءِ۔ عرس انا دود 14 ستمبر آن 20 ستمبر 2024ء اسکان کلیار شریف بھارت اٹی برجاسلک۔ 200 پاکستان زائر آتے عرس اٹی بشخ ہلنگ کن بھارت آ گدریفنگک۔ عرس اکن درخواست آتے زیات موصول مننگ آ 15 اپریل 2024 آ دے انا 11 بجہ وزارتِ مذہبی امور و بین المذاہب ہم آہنگی ٹی قرعہ اندازی نا کمک اٹ 200 زائر آتا گچین کاری کننگک۔ عرس انا بابت ایلو سرجم، درخواست فارم وزارت نا ویب سائٹ و فیس بک پیج آ دستیاب ءِ۔ وزارت متکن آ فارم آ ہچ ءُ درخواست اسے منپک۔ الس نا آگہی کن داہم تاکید کننگک کہ غٹ درخواست آتیٹی براہ راست گدریفر۔ وزارت بندغ، ادارہ یا کمپنی اسے تینٹ درخواست آتے جمع کننگ یا پراسیس کننگ نا موکل تتنے۔
