اسلام آباد۔ 05 مارچ (اے پی پی) ڈپٹی اسپیکر قومی اسمبلی سید غلام مصطفی شاہ سے شنبے نادے آ پارلیمنٹ لاجز و ایم این اے ہوسٹل نا دورہ ءِ کرے و ہموڑے پارلیمنٹ لاجز اٹی سفائی و سیکورٹی نا بست وبند آتا سرجمی اٹ جاچ ءِ ہلک۔ قومی اسمبلی سیکرٹریٹ آن جاری بیان نا رداٹ ڈپٹی اسپیکر قومی اسمبلی نا باسک آتا لاجز نا خستہ حالی و سفائی ستھرائی نا ہیبدار بست وبند آتیا ترندی نا درشانی ءِ کرے و پارے کہ 104 زیر تعمیر فیملی لاجز نا تفنگ اٹ بے گرج التوا گڑتی نا سوب ءِ۔ اوسی ڈی اے چیئرمین ءِ پارلیمنٹ لاجز اٹی سفائی ستھرائی آ خصوصی چکار کننگ و سیکورٹی نا فول پروف بست وبند آتے پک کننگ نا پارت کرے و او زیر تعمیر لاجز اٹی جہانی آب ءِ برقرارتخنگ و لاجز نا تفنگ ءِ زوت پورو کننگ نا پارت کرے۔
